Nakilal-an na ang lalaki nga nasapwan nga patay sa kilid sang kampo sa Bloomfields Subdivision, Barangay Mandalagan, Bacolod City kaina sang aga.
Suno kay Police Major Rondyl Tapang, station commander sang Bacolod Police Station 3, nakilal-an nila ang biktima bangod nakatattoo sa nawala sini nga abaga ang pangalan sang iya live-in partner.
Ang biktima ang ginkilala nga si Jose Jun Codico, 36 anyos, residente sang Purok Pine Tree, Barangay Bata, Bacolod City.
Madumduman nga nasapwan ang bangkay sang biktima kapin alas-6:00 kaina sang aga sa kilid sang kampo sang tubig, nga may duct tape sa mata kag may mga igo sang bala sa ulo.
Sa ila intelligence report, natumod nga si Codico ang naga-engaged sa illegal nga droga.
Ini ang madamo naman sang anay kaso kaangay sang pagpangawat, physical injury kag pagbaligya sang illegal nga droga.
Kaangay sang pagserbe sa iya sadto sa Bago City sang warrant of arrest bangod sa kaso nga physical injury.
May record man ini sang pagpangawat sang kable sang PLDT.
Samtang sang 2019, nadakpan si Codico sa drug buybust operation kag ini ang nakagwa sa Muntinlupa sang 2023.
Ang biktima man ang ginatudlo nga suspect sa pagpangluthang nakaligad nga tuig sa Barangay Bata.
