Nakilala na ang bangkay sang lalaki nga nasapwan sa sulod sang kampo sang Sitio Lemoncito, Barangay Quintin Remo, Banwa sang Moises Padilla sang tinalikdan nga Pebrero 6, 2025.
Sa interview sang Bombo Radyo Bacolod kay Police Lt. Arnolfo Robles, Deputy Chief of Police sang Moises Padilla Municipal Police Station, ginkilala ang biktima sang iya pamilya nga si Vincent Gimotea, 29-anyos, fish vendor kag nagapuyo sa Brgy. Aguisan, Himamaylan City, Negros Occidental.
Suno kay Robles personal nga nagkadto sa Moises Padilla Municipal Police Station ang iloy sini nga nagikan sa Ajuy, Iloilo kaupod ang utod sini kag nagpadulong sa funeral parlor kag positibo nga gintumod ang biktima.
Suno diri, santo sa panaysayon sang iloy sang biktima, sa Himamaylan nagdako ang biktima kag kun dal-on pauli sa Ajuy nagabalik gid ini sa Himamaylan.
Indi man ini kilala sa Moises Padilla sang gincheck ang background sini.
Suno sa pamilya himuson ang bangkay sang biktima kag dal on sa Ajuy.
Ginalantaw sang mga kapulisan nga wala sa maayo nga paminsaron ang suspek nga naghimo sang krimen bangud sa mga pilas sang biktima.
Nagapadayon pa ang imbestigasyon sang mga kapulisan agud matumod ang motibo kag may kahimuan sang pagpatay.
