Bangkay nga nasapwan sa San Enrique kahapon, iloy nga naanod sang baha kaupod sang bilog sini nga pamilya sa La Carlota City

Nasapwan ang bangkay sang babayi sa Brgy Baliwagan, banwa sang San Enrique nga ginkilala isa ka iloy nga naanod kaupod ang bilog sini nga pamilya bangod sa bagyo Tino.

Sa interview sang Bombo Radyo kay Police Captain Rosinie Cabuena, hepe sang San Enrique Municipal Police Station, ang biktima ang ginkilala nga si Marivic Trafangco, 43 anyos kag residente sang ciudad sang La Carlota.

Suno diri, naanod si Trafangco kaupod ang iya bana, tatlo ka bata kag isa ka hinablos.

Ang duha ka bata sini nasapwan nga patay na kag kahapon nasapwan naman si Trafangco kag wala ini sang panapton apang nakilal-an sang iya pamilya paagi sa suksuk sini nga medyas.