Ginkumpirmar na sang pamilya sang 5 anyos nga namissing sa Purok Manville Phase 6A Brgy. Handumanan sang Disyembre 21, nga ini ang bangkay nga nasapwan sa sapa sa Prk Sto Domingo, Brgy Handumanan, Bacolod City.
Una na nga ginkumpirmar sang Purok Chairman nga parehas ang panapton sang nasapwan nga bangkay, sa gindeklarar sang pamilya nga suksok ni Quenie Aguirre sang ini ang namissing.
Sa pahayag ni Mary Rose Acostan, tiya ni Quenie, ang bata ang nakapalda nga itom, kag yellow nga panapton nga may buho-buho nga desinyo.
Ini ang wala gilayon makumpirmar bangod natabunan sang mga dahon ang lawas sang bata kag ang palda lamang ang makita.
Samtang indi naman maklaruhan ang nawong sini bangod isa na ka semana humalin sang namissing.
Nakaangkon man sang kanbudlayan ang Scene of the Crime Operation (SOCO) sa pagpasaka sang bangkay.
Sa karun ginahulat na lamang ang punerarya nga magakuha sang lawas sang bata.
Ini ang ipaidalom man sa post mortem examination agud matumod ang gintunaan sang kamatayon kag mahimo nga ipaidalom man sa autopsy.
Si Punong Barangay Febe Legaspi sang Brgy Handumanan ang nagabulig naman agud mapadasig ang pagpauli sang iloy sang bata nga nagapangamo sa Manila.
