Bangkay ni Ateneo Blue Eagles player Divine Adili nga nalumos sa team-building activity sang ila team, naka-abot na sa Nigeria

Nag-abot na kahapon sa Nigeria ang bangkay sang nagtaliwan nga Ateneo Blue Eagles player nga si Divine Adili suno sa Ateneo de Manila University.

Nagpasalamat ang unibersidad sa tanan nga nagpakig-unong kag nagpalab-ot sang bulig agud matigayon nga mabalik si Adili sa iya pamilya.

Natalana ini nga igalubong subong nga adlaw, Hunyo 26.

Si Adili kag ang kaupod sini nga si Rene Baterbonia ang ginbawian sang kabuhi matapos malumos sa ginpatigayon nga team-building activity sa Dipaculao, Aurora sang Hunyo 8.

Padayon naman ang imbestigasyon natuhoy sa insidente.