Ginkumpirmar sang bana ni anay DPWH Undersecretary Maria Catalina “Cathy” Cabral nga si Engr. Cesar Cabral nga indi na sila magpatigayon sang autopsy sa bangkay sang iya asawa nga nasapwan patay sa Kennon Road, Tuba, Benguet.
Nagapati ini kag ang iya pamilya nga aksidente ang rason sang kamatayon sini.
Naghatag naman sang pahayag ang abogado ni Cabral nga dapat tagaan sang respeto ang pamilya kag indi na pagdugangan ang kasubo nga ila nabatyagan.
Nahibaluan nga si Cabral ang anay Undersecretary para sa Planning kag Public-Private Partnership sang DPWH kag na-implicate sa alegasyon nga budget insertions kag kickbacks sa mga flood control projects.
Antes paman gintalikdan ang iya trabaho sa DPWH, ginpanginwala sini ang pagka-ulamid sa mga anomaliya nga nagakatabo sa ahensya.
