Gindala na bangkay ni the late Negros Oriental Governor Roel Degamo sa Provincial Capitol subong nga hapon para sa public viewing kun sa diin ini ang magatinir tubtob sa Domingo.
Suno sa asawa sini nga si Pamplona Mayor Janice Degamo, sa Lunes sang aga, ang bangkay sang gobernador ang igabyahe padulong sa Bonawon, Siaton, Negros Oriental, sa balay sang ginikanan sini kun sa diin siya ang ginbun-ag.
photo ctto
Suno kay alkalde, sa masunod nga Huwebes, Marso 16 ang lubong ni Degamo kag ini ang igahamyang sa tupad sang iya mga ginikanan kag utod.// Suno diri, 11 ka mga igo sang bala ang naagom sang gobernador kag may narecover sa iya lawas nga mga bala sang high powered pistol.
Nagapasalamat ini sa tanan nga nagasuporta sa iya bana kag nagalaom nga indi mauyang kag mangin meaningful ang kamatayon sang gobernador kun matumod na ang mastermind kag maagom sang Negros Oriental ang kalinong.
