Ginkompirmar sang hepe sang Bacolod City Police Station 9 nga natigayon na ang autopsy sa bangkay ni Jail Officer 1 Jayvee Jason Vargas, Sabado sang gab-i.
Sa interview sang Bombo Radyo Bacolod kay Police Lieutenant Jovito Pastrana, ginkompirmar sini nga natigayon ang pagconduct sang autopsy sang bangkay ni Vargas agud mahibaluan kun sa diin ang igo sang bala sa iya lawas.
Madumduman nga wala gilayon nagpasugot ang amay sang biktima sang sila ang naglisensya nga ipa-autopsy ang bangkay ni Vargas apang suno kay Pastrana, nagkambyo ang desisyon sang pamilya kag nagpahibalo pagkahapon nga gusto nila patigayunon ang nasambit nga buluhaton.
Aminado ang hepe nga wala pa ang resulta kag madugay pa ini nga makuha apang sa karun, nagapadayon sila sa gihapon sa pagfollow-up sa kaso.
