Nadul-ong na sa katapusan sini nga palahuwayan si Police Corporal Jayme Nunez nga napatay sa engkwentro batok sa mga katapo sang New People’s Army sa Sitio Kalanugan, Barangay Minapasuk, Calatrava, Negros Occidental sang Agosto 9.
Sa interview sang Bombo Radyo kay Police Major Ronald Santillan, chief of police sang Calatrava Municipal Police Station, alas 8 sang aga kahapon ginpatigayon ang misa kag ini ginlubong sa The Garden cemetery sa Cadiz City.
Suno diri, madamo sang nagkumpanyar nga ginalakipan sang mga kaupod sini sa serbisyo, ang iya pamilya kag mga abyan.
Sa karun ginpreparar na ang dokumento para sa pagfile sang complaint batok sa mga New Peoples Army apang indi pa mapagwa ang iban nga impormasyon samtang under validation pa kun pila kag kun sin-o ang pasakaan sang kaso.
