Nasapwan ang isa ka bangkay sang babayi sa Sitio Old Mohon, Brgy. Cabanbanan, Himamaylan City, Negros Occidental sang Sabado sang aga, Oktubre 11.
Ginkilala ang biktima kay alyas Maria, 29 anyos kag residente sang nasambit nga lugar.
Santo sa police report, alas 7:50 ang takna sang aga, kahapon nakabaton sang tawag ang Himamaylan City Police Station sang report nga may nasapwan nga bangkay sang tawo sa nasambit nga lugar.
Gilayon man nga nagresponde ang Investigator on Case kaupod ang alert team agud nga magpatigayon sang imbestigasyon.
Santo sa imbestigasyon, ginpahayag ni alyas Shiena nga alas 2:00 ang takna sang hapon, October 10, 2025, ang biktima ang nagpadulong sa Barangay Cabanbanan Proper agud nga pangitaon ang utod sini nga si Emman apang wala ini nakapauli pa.
Alas 6:00 ang takna sang gab-i sang pareho nga adlaw, ginpangita sang pamilya sini ang biktima apang wala gid ini makita.
Alas 7:50 sang aga, kahapon, Oktubre 11, 2025 nasapwan ang bangkay nga nagautaw-utaw na sa suba.
Wala man sang nakita nga samad ang imbestigador sa lawas sang biktima kag ginalantaw nga ini ang nalumos.
Ginpaidalom naman ang Investigator on Case sa post-mortem examination ang bangkay sang biktima agud matumod ang gintunaan sang kamatayon sini.
