Nasapwan nga wala na sang kabuhi ang isa ka babayi sa Brgy 12, Bacolod City.
Sa inisyal nga impormasyon, wala sang pang-idalom nga panapton ang nasapwan nga bangkay.
Ang bangkay ang nasapwan sang isa ka driver nga naalangan kag magapamuhin kuntani sa lugar.
Ang babayi ang nakabaklid kag nagasuksok sang blue nga t-shirt kag wala na sang pang idalom nga panapton.
Suno sa nagatrabaho sa Baywalk, ginalantaw sini nga ginpatay sa iban nga lugar ang babayi kag mahimo ginhaboy lamang sa kahilamunan ang bangkay.
Ini bangud wala man sila sang nabatian nga gahud ukon indikasyon nga may nagluntad nga krimen sa lugar.
Padayon sa karun ang imbestigasyon sang mga kapulisan kaupod ang katapo sang Scene of the Crime Operation (SOCO).
Ang babayi ang maputi kag lamharon pa.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 1, sa inisyal nga impormasyon ang nasapwan ang isa ka babayi, yara sa 20s ang edad, nagasuksok sang blue nga t-shirt kag nahigot sa likod ang duha sini ka mga kamot.
Wala naman sang pang idalom nga panapton ang biktima.
Sa karun ginakumpleto pa sang mga kapulisan ang report bangud nagapadayon pa ang procedures nga ginapatigayon sang katapo sang Scene of the Crime Operation.
Ginahulat man ang resulta sang postmortem examination agud nga mabal-an ang rason sang kamatayon sang biktima.
Nagapadayon sa karun ang imbestigasyon sang mga kapulisan agud nga matumod ang motibo kag ang mga nagpatay sa mga biktima.
