Nasapwan nga nagalutaw-lutaw sa punong ang isa ka lalaki sa Bangga Tap-ok, Barangay Enclaro, Binalbagan, Negros Occidental.
Ang biktima ang ginkilala kay Pio Rico jr., 54 anyos, single kag residente sa nasambit nga lugar.
Sa interview sang Bombo Radyo kay P/Maj. Fernando Somblingo Jr., hepe sa Binalbagan Municipal Police Station, nag-inum pa ang biktima sang gab-i antes ang insidente kaupod sa mga hinablos sini.Gindul-ong naman ini sang mga hinablos pauli sa ginapuyuan nga kamalig nga malapit sa punong takna alas-10:00 sang gab-i bangod sa tuman nga kahubog.
Santo sa imbestigasyon, nakita pa si Rico sang mga hibalos sa punong sang kaagahun apang ginpinsar sang mga ini nga nagapangsikop lang sang sulud-anun ang tiyo bangod nagaguha pa ang ulo sini.
Samtang takna alas-5:00 sang aga naman sang nasapwan nga nagalutaw ang mayami sini nga bangkay.
Nahibaluan nga wala naman maayo natahap sa pagpalapit ang mga hinablos sang biktima sa iya bangod sa masami sini nga ginasinggitan kun mahubog.
Sa karun, ginatumod pa sang mga kapulisan kun ano na kalawig nga nalumos si Rico.
Samtang nagpahayag naman si Somblingo nga wala naman sang nakita nga foul play sa insidente kag kasubong man nga ginbatun na sang pamilya ang kamatayon bangod sa pagkalumos.
