Ginclaim na sang pamilya ang gina-alegar nga kawatan nga nasapwan nga wala na sang kabuhi sa idalom sang isa ka meat shop sa Dalan Araneta, Prk Gold Medal, Brgy Pahanocoy, Bacolod City.
Sa interview sang Bombo Radyo Bacolod kay Police Captain Greeky Cayao, station commander sang Bacolod Police Station 8, ang bangkay ang nasapwan alas-6:30 kahapon sang aga.
Suno kay Cayao, nagkadto sa Bacolod Police Station 8 ang utod sang biktima kag positibo nga ginkilala ang identity.
Suno diri nakilal-an sang utod ang biktima bangud sa description nga ginhatag sang mga media outlets ciudad sang Bacolod.
Ang description amo nga ang lalaki ang nakasuksok sang yellow nga t-shirt kag may olmedo ALD tattoo sa iya nga nawala nga kamot, wala sang tsinelas kag ginabanta yara sa 40s ang edad.
Suno sa station commander ang biktima ang nakaagi na nga napriso bangud sa kaso nga theft kag nakagwa lang sang November 2024 suno man sa panaysayon sang utod sini nga positibo nga nagkilala sa iya.
Wala naman ginhingadlan ang biktima para man sa privacy sang pamilya kag ini ang nagapuyo sa Barangay Villamonte, Bacolod City.
Ginatumod pa sang mga kapulisan sa karun kun ano pa ang mga kaso sang biktima magluwas sa pagpangawat.
