Isa ka bangkay sang lalaki ang nasapwan nga naga-utaw utaw sa dagat malapit sa BREDCO port kapin alas-8:00 subong nga aga.
Sa interview sang Bombo Radyo Bacolod kay Felipe Lastimoso, nagapanagat ini kaupod sang duha pa ka persona, sang ila matalupangdan ang biktima.
Sa umpisa ginpinsar pa nila nga ini ang paklang sang lubi, apang sang gin-usisa didto na nakit-an nga ini ang isa ka lalaki nga nagakulob.
Ang biktima ang nasapwan sa bahin sang dagat nga ginakuhaan sang tahong.
Ang lalaki ang nakashort sang itom kag wala sang pang-ibabaw nga panapton.
Gilayon man ang mga ini nga nagcontact sa Philippine Coast Guard, nga amo ang nagkuha sang bangkay padulong sa takas sa coastal area sang Purok Boulevard, Barangay 10, Bacolod City.
Suno kay Lastimoso, may pilas sa ulo ang biktima kag may mga lagob man sa pila ka bahin sang lawas.
May nakahigot naman sa iya nawala nga kamot, apang ini ang wala man nakagapos sa biktima.
Ini ang may dako nga tattoo sa abaga, nga may desinyo nga bungo nga may mga tiil nga kaangay sang damang.
Sa karun wala pa may nakakilala sa biktima.
