Wala na sang kabuhi sang nasapwan ang isa ka lalaki nga naga-utaw utaw malapit sa sea wall sang Bredco Port, Purok Lampirong, Barangay 2, Bacolod City kagab-i.
Suno kay Police Major Eugene Tolentino, station commander sang Bacolod Police Station 2, kahapon sang aga pa nanotisyaran sang mga residente nga may sako nga nagalutaw malapit sa sea wall apang ila ginpinsar nga ini ang basura lamang.
Kagab-i lamang ini ginpatsekyar kag nadiskubrehan nga ini ang bangkay sang isa ka lalaki nga nakagapos ang tiil kag kamot.
Nakahigot sa sako ang bangkay kag daw kaangay nga gingaid sa bato agud indi maanod.
Ang lalaki, nga sa karun wala pa matumod ang identity, ang wala sang pang-ibabaw nga panapton kag nakashorts nga itom.
Ginturn-over sang kapulisan ang bangkay sang biktima sa Scene of the Crime Operations (SOCO) para sa eksaminasyon kag imbestigasyon.
