Nasapwan ang bangkay sang lalaki sa kilid sang kampo sa Bloomfields Subdivision, Barangay Mandalagan, Bacolod City, kaina kapin alas- 6:00 sang aga.
Suno kay Bacolod City Police Office Director Police Col Joeresty Coronica, nasapwan ang bangkay nga nagahapa sa kilid sang kampo.
Suno diri, may yara ini sang igo sang bala sa ilong, natuo nga bahin sang kilay kag duha ka igo sa ulo nga naglapos sa likod.
Nagasuksuk ini sang tshirt nga puti, short nga brown, kag paha kag boxer brief nga nagaduag sang army green.
Samtang, nakapiring naman ang mata sini sang duct tape.
May nakita man nga tattoo sa lawas sang lalaki sa liog kag abaga nga “Camille Benitez”.
Santo sa tattoo may inisyal na nga impormasyon sa identity sang biktima apang ginahulat pa ang kumpirmasyon sang pamilya.
Samtang, lima naman ka lupok ang nabatian sa lugar sang kaagahon antes nasapwan ang bangkay.
Suno kay retired PCol Romeo Abaring, may nanugid sa iya nga isa ka pumuluyo nga may yara sang lima ka sunod sunod nga lupok nga nabatian sang kaagahon.
Suno diri, masami nga may nagakatabo nga insidente sang pagpanghold-up sa lugar bangod malayo ini sa mga balay kag madulom ang area.
