Ginaverify pa sa karun ang identity sang nasapwan nga bangkay sang lalaki sa katubuhan sa Barangay Cabacungan, La Castellana, Negros Occidental.
Sa interview sang Bombo Radyo Bacolod kay La Castellana Municipal Disaster Risk Reduction and Management Office Head John de Asis, ang bangkay ang nasapwan sang naga-abono sang kampo kapin alas-7:00 tubtob alas-8:00 kaina sang aga matapos sini pangitaon kun diin gikan ang naga-usbong nga baho.
Kamot lamang ang nakita sini bangod natabunan sang sako kag may mga balas, gani ginreport niya sa MDRRMO nga siya ang may nakita nga bahin sang lawas.
Gilayon man nga nagkoordinar ang MDRRMO sa La Castellana Municipal Police Station, kag pagresponder, didto nakita ang bangkay sang lalaki nga ginabanta yara sa 40s ang edad.
Ini ang nahamtang sa kalog-kalog nga himo sang arado, kag kaangay nga gintuyo ilubong bangod may medyo manabaw nga kinutkutan.
Apang kaangay nga wala matapos, kag ang bangkay ang gintabunan nalang sang sako kag may balas sa ibabaw, gani kamot lamang sini ang una nga makita.
Sa karun ginaverify pa ang identity sang bangkay, bangod may-ara man sang persona nga kapin lima ka adlaw na nga wala makita sa nasambitan nga barangay.
Ang lalaki ang ginapahayag nga adlaw-adlaw nagawalking labay sa Barangay, apang wala na makalabay sang nakaligad nga lima ka adlaw.
May panapton man nga suksok ang biktima nga mahimo mangin basihan sang iya pamilya sa pagkilala sa La Castellana Municipal Police Station.
