Bangkay sang lalaki, nasapwan sa kilid sang kampo sa Talisay City kaina sang aga

Nasapwan ang bangkay sang lalaki sa kilid sang kampo sa Hacienda Sta. Maria, Barangay Zone 15, Talisay City pasado alas-6:00 kaina sang aga.

Ang biktima ang ginkilala nga si Marjun Bandala, 36 anyos, residente sang Sagay

Ini ang nasapwan ni Agripino Barredom, nga nagapangspray sang hilo sa mga hilamon sa palibot sang kampo.

Ang bangkay ang nakasando sang puti, gray nga 6-pockets shorts kag nakatiniil.

Ginatumod pa kun ang biktima ang ginpatay sa nasambitan nga lugar, ukon ini ang ginbilin lamang sa area.

Apang pila sa mga residente ang nagapahayag nga sila ang nakabati sang lima ka lupok sang armas-luthang kagab-i.