Padayon pa nga ginatumod sang mga otoridad ang identity sang isa ka lalaki nga nasapwan nga wala sang kabuhi kag ginluthang sa bahin sang National Highway sakop sang Purok 11, Sitio Tanate, Barangay Aguisan, sa ciudad sang Himamaylan, Domingo sang hapon, Agosto 9.
Santo sa report sang Himamaylan City Police Station, ang nasapwan nga lalaki ang may tattoo nga “PAULO” sa bahin sang iya nga liog, ginabanta 30 tubtob 40 ang edad, nagasuksok sang itom nga sweatshirt, brown short, naka-tsinelas, kag brown nga kalo.
Sa inisyal nga imbestigasyon, nasapwan ang biktima sang isa ka residente sa lugar kun sa diin ang may gunshot wound sa bahin sang nawala nga ulo kag nawala nga dughan.
Narekober sa biktima ang isa ka Smith & Wesson .38 Special Caliber Revolver nga may lima ka cartridge, kag isa ka motorsiklo.
Samtang, narekober naman sa crime scene ang duha ka fired cartridge sang 9mm pistol.
Padayon pa sa karun ang imbestigasyon sang Himamaylan City Police Station agud matumod ang bangkay kag mahibaluan ang motibo sa pagpatay diri.
