Isa ka bag-ong bun-ag nga lapsag nga wala na sang kabuhi kag nasulod sa karton sang gatas ang nakutkot sang walo ka kabataan sa isa ka abandonado nga lote sa Zone 7, Barangay Handumanan, Bacolod City kapin alas-5:00 kahapon sang hapon.
Sa interview sang Bombo Radyo Bacolod kay Police Captain Lelanie Lagoting, officer in charge sa Bacolod Police Station 10, nagahampang ang walo ka mga kabataan malapit sa abandonado nga lote sang nag-abot ang tatlo ka mga persona nga ginalakipan sang babayi kag lalaki nga may-edad na kag isa ka lamharon pa nga nagserbe nga look out.
Sa paghinun-anon sang kapulisan sa mga bata, magkaupod ang tatlo sa pagpadulong kag paghalin sa lugar, apang ang babayi kag lalaki nga may-edad lamang ang nagsulod sa lote, kag nagkutkot sa duta.
Bangod may mga naga inom-inom sa unahan nga bahin sang lugar, nagpinsar ang mga kabataan nga ang plastic nga dala sang duha ang pagkaon bangod ini ang may tatak sang isa ka supermarket, kag ginalantaw nga ginbilin lamang ini sa lugar kag balikan man matapos magbakal sang ilimnon.
Ang karton sang gatas nga naputos sang plastic ang ginlubong sang halos isa kag tunga ka dangaw lamang.
Paghalin sang duhaa, gilayon man nga ginkutkot sang kabataan, apang imbes nga pagkaon, nagbungad sa ila ang bangkay sang lapsag nga babayi.
Gilayon man nila ini ginsugid sa mga adults sa lugar kag ginreport sa Bacolod Police Station 10.
Suno kay Lagoting may dugo pa ang lapsag apang nautod na ang umbilical cord.
Ini ang ginputos sa lampin antes ginsulod sa karton sang gatas.
Nagpangita naman sila sang CCTV footage nga mahimo makatudlo sa mga suspetsado apang ang CCTV camera sang isa ka malapit nga restaurant ang wala nagagana, samtang madulom naman ang kuha sang isa pa.
Apang sa nakita sang mga ini nakapula nga jacket nga may hood ang babayi, nakajacket man ang lalaki sang green, samtang grey naman ang suksok sang lookout kag sila ang lunsay nakafacemask.
Ginpatawag naman nila ang mga Barangay Health Workers agud libuton ang mga pumuluyo sa Barangay Handumanan nga nagabusong kag manugbata na.
Kagab-i, gilayon man nila ginlubong ang lapsag bangod ini ang nagahabok kag nagapanimaho na.// Panawagan ni Lagoting sa mga pamatan-on nga paminsarun ang resulta sang mga ginahimo, kag kun may ginadala na sa tagu-ankan, dapat man pinsaron nga may iban na nga kabuhi nga dapat ulikda
