May ara gid sang mga tawo nga bentahuso kaangay isa ka Italian nga lalaki nga gintago sang tatlo ka tuig ang bangkay sang iya iloy agud nga makakuha sagihapon sang pension.
Ginkilala ang iloy sang lalaki nga si Graziella Dall’Oglio, 82-anyos kun sa diin gintago sang lalaki sa ila nga laundry room.
Ginputos niya ini sang habol kag sleeping bag tubtob nga namummify ang bangkay.
Agod nga indi mahibaluan kag padayon nga nagaabot ang pension sang iya iloy, ginsunod sini ang itsura.
Iya nga ginkiskisan ang mga balahibo sa iya batiis kag iban pa nga bahin sang lawas, nagpamutang sang make-up, lipstick kag nail polish.
Nagsuksok man ini sang malaba nga palda kag mga perlas.
Apang wala sang sekreto nga magapabilin nga likom bangud wala man nagdugay natukiban ang modus sang nagkadto ini sa opisina sang gobyerno agud i-renew ang ID card sang iya iloy.
Gilayon nga nagduda ang staff bangud sa iya madamol nga liog, nawong, kag tingog nga kun kaisa nangin lalaki.
Sang ginpadulungan sang mga pulis ang ila balay, nakit-an ang nagakaagnas nga bangkay ni Graziella.
Ginabanta nga ang lalaki nagaganar sang 53,000 euro ukon kapin P3.3 million kada tuig gikan sa pension kag kita sang mga propiedad sang iya iloy.
Sa subong, nagapangatubang na ini karon sang kaso nga concealing a body kag benefit fraud.
