Gin-anunsyar sang Bangko Sentral ng Pilipinas nga ginpanubuan sini ang key policy rates sang 25 basis points (bps), kun sa diin gikan sa 6.50 percent nangin 6.25 percent nalang ini.
Ginpabilin naman sang BSP ang rates sini sa 6.5 percent humalin sang October 2023.
Suno kay BSP Governor Eli Remolona nga posible nga isa pa 25bps cut ang ipatuman sa Oktubre ukon Nobyembre.
Suno sa BSP governor, ang pagbuhin nga ginpatuman kahapon ang mabatyagan sa 2025.
Suno sa BSP, ang headline inflation ang ginalantaw nga may yara sang downward trend.
Ginalauman nga makasulod ini sa target sang gobyerno nga 2 percent tubtob 4 percent apisar sang pagsaka sang Hulyo.
Nagsaka ang Philippine inflation sa 4.4 percent sang Hulyo, kun sa diin naglapaw sa target sang gobyerno nga 2 percent tubtob 4 percent.
Ang presyo sang pagkaon ang kabangdanan sa pagsaka kun sa diin 55 percent ini sang kabug-usan nga inflation.
Nagdugang man sa inflation ang Housing, tubig, kuryente kag gatong.
