Bangko Sentral ng Pilipinas, magahatag sang lisensya sa bag-o nga digital banks

Natalana nga mahatagan sang Bangko Sentral ng Pilipinas sang lisensya ang apat ka bag-o nga digital banks.

Suno kay BSP, magaumpisa ini sa una nga adlaw sang Enero, 2025.

Gikan sa anay anum ka mga digital banks, gin-aprubahan sang Monetary Board ang cap sa 10 digital banks nga mag-operate sa pungsod.

Ginpahayag ni BSP Governor Eli Remolona Jr nga bangud sa pag-aprubar sang cap sang 10 digital bank madasig nalang nila mamonitor kag makapatigayon man sila sang pagtuon.

Ginpasiguro man sini nga magaagi sa maidid nga proseso ang mga magakuha sang mga lisensya kun sa diin hugot man ang ila nga value proposition, business models, resources capabilites, ownership transparency, shareholder suitability kag corporate governance.