Nagtukod ang Bangko Sentral ng Pilipinas (BSP) sang bag-o nga council nga magadumala kag magapabaskog sa cyber resilience sang financial sector sa Pilipinas.
Ginpahayag sang BSP nga ginlunsyar sang mga ini ang Financial Cyber Resilience Governance Council (FCRGC) sang tinalikdan nga semana.
Suno sa central bank nga tinutuyo sang FCRGC nga masiguro ang hilway kag secure nga financial system paagi sa pag-promote sang mabaskog nga cybersecurity practices, governance, kag collaboration.
Magaserbe bilang FCRGC chairperson si BSP Deputy Governor Chuchi Fonacier samtang si Bankers Association of the Philippines (BAP) head of the cyber committee Sandeep Uppal ang magapungko bilang vice chairperson.
Mangin council adviser naman si Monetary Board Member Jose Querubin.
