Nagbiya sa pwesto si Bangladesh President Mohammed Shahabuddin duha ka tuig antes matapos ang iya nga termino, matapos ginpahayag nga indi na sini sarang pa mapahimo ang iya katungdanan bilang presidente bangud sa nagalala nga kondisyon sa iya ikaayong lawas.
Suno sa 76-anyos nga presidente, na-diagnose ini nga may Autonomic Neuropathy, isa ka kondisyon nga nagatuga sang pagkalipong kag iregularidad sa iya nga heartbeat.
Nagsumiter ang presidente sang iya resignation letter sa Speaker sang Parliamento nga si Hafiz Uddin Ahmed, nga gilayon naman ginbaton.
Santo sa Konstitusyon sang Bangladesh, temporaryo nga magaserbe bilang presidente ang Parliament Speaker tubtob sa makapili sang bag-o nga magpamuno sa sulod sang masunod nga 90 ka adlaw.
Nag-timing ang iya pagbiya sa tunga sang panawagan sang pila ka mga oposisyon nga magpanaug na ini sa pwesto matapos magwa ang huring-huring nga ginaalegar naka-istorya niya ang anay Prime Minister nga si Sheikh Hasina, nga yara subong sa India.
Ginpanginwala naman ni Shahabuddin ang nasambit nga alegasyon.
