Nagalaom ang mga fisherfolks sa Bacolod nga maka-operate naman liwat ang Bantay Dagat sang ciudad agud masita ang mga mangingisda nga nagapangayaw diri.
Sa karon, wala sang sakayan nga ginagamit ang Bantay Dagat sang ciudad gani wala ini naga-operate.
Suno kay City Councilor Jude Thaddeus Sayson, chairperson sang committee on agriculture and fisheries sa Sangguniang Panlungsod, sa ginpatigayon nga pagsinapol sa mga mangingisda, may isa ka mananagat nga willing magpahulam sang pumpboat kag ang city government na ang magabakal sang gatong kag magagasto sa maintenance.
Nagpromisa man si Mayor Alfredo Benitez nga mangita sang isa ka pumpboat nga hulamon agud nga may makapatrolya sang 12 tubtub 16 oras kada oras.
Suno kay Sayson, nagareklamo ang mga fisherfolks nga may mga taga-Valladolid kag Hinigaran nga nagapanagat sa baybayon sang Bacolod kun mamadlos ang hangin sa southern Negros.
Ginaduso naman ni Benitez ang pagtukod sang isa ka management council nga maga-manage sang Guimaras Strait.
