Gina-finalize pa sang Local Government Unit sang banwa sang Binalbagan ang tanan nga datos para makadihon sang Executive Order si Binalbagan Mayor Manuel Aranda para sa deklarasyon sang state of calamity kasunod sa nagluntad nga pagbaha sa banwa.
Sa 16 ka brgy sa banwa, 12 ang naapektohan sang baha.
Suno kay Engr Jernie Rondin, pinuno sang Municipal Disaster Risk Reduction and Management Office, kapin sa 10,413 ka mga pumuluyo sang banwa ang apektado sang pagbaha.
Nagdangat sa P1.14 million ang balor sang halit sa agrikultura kun sa diin 37.98 hectares sang humayan kag 18.4 hectares sang maisan ang nahalitan.
Sa high value crops naman nagdangat sa P9.2 million ang balor sang halit kag P106,000 sa livestock.
Pahayag ni Rondin, kun nafinalize na ang mga datos amo na nga makadeklarar sang state of calamity.
