Gin-regulate sang banwa sang Hinobaan, Negros Occidental ang pagpasulod sang mga baboy, karne kag pork products sa banwa.
Sa interview kay Hinobaan Municipal Mayor Daph Reliquias, humalin sang nagtahaw ang kaso sang ASF sang 2025 wala na nila ginkakas ang ginbutang nga border control agud nga mag-inspect sang nagasulod nga mga baboy kag pork products sa banwa.
Suno kay Reliquias, bangud nga may narecord naman nga suspected positive case sang ASF malapit sa ila nga lugar nagpagwa ini sang executive agud nga maproteksyunan ang hog industry sang banwa.
Suno sa alkalde, regulated nga makasulod sa banwa ang imported nga baboy kag ang mga karne nga wala sang permit.
Ginhamtang ang checkpoint sa Sitio Totong sa Barangay Talacagay para sa northern kag sa South border naman ginpahamtang sa Barangay Saging.
Suno sa alkalde humalin sang ginmando sang gobernador nga magbutang sang border control wala na nila ini gindula.
Nagbutang naman sang checkpoint ukon border control ang banwa sang Murcia, Negros Occidental.
Sa interview sang Bombo Radyo Bacolod kay Murcia Municipal Mayor Gerry Rojas, gin-meetingan nila ang pagbutang sang border control bangud indi sila luyag nga may makasulod nga baboy kag produkto sini nga infected sang African Swine Fever.
Suno kay Rojas, delikado ang carrier gani ini ang ginalikawan nila nga makasulod sa banwa.
Gin-athag man sini nga wala sila sang rekorded nga kaso sang ASF.
Nagbutang ang mga ini sang border sa exit kag entrance sang banwa nga ginpangunahan sang Municipal Agriculture Office kag ini ginhamtang sa Barangay Cansilayan kag Barangay Pandanon Silos.
Mensahe sini sa mga pumuluyo nga ang Municipal Government kag ang Municipal Agricultures Office ang nagahimo sang tikang agud nga maproteksyunan ang hog industry sa banwa.
