Ginkumpirmar sang pinuno sang La Castellana Disaster Risk Reduction Management Office nga may yara sang ginpatigayon nga evacuation sa pila ka mga Barangay sa banwa sang La Castellana, Negros Occidental.
Sa interview sang Bombo Radyo Bacolod kay John De Asis, bangud sa padayon nga pag-ulan ang tubig ang ilig padulong sa mga pamalay antes pa man ini makalambot sa taytay sa tamburong creek sa Barangay Biaknabato.
Suno kay De Asis ang dalan ang indi maagyan bangud sa pagbaha kasunod sang pag-inulan.
Suno diri, ang tubig ang wala nag-awas sa taytay kundi sa lain nga alagyan sang tubig sa naibabaw nga bahin sang suba.
Ginabanta nga 13 meters ang paglapaw sang tubig halin sa suba kun sa diin silted na matapos gin-iligan sang lahar nagikan sa Bulkan Kanlaon sang tinalikdan.
Ginbaha man ang Barangay Robles kag Barangay Sag-Ang.
Bangud sa malain nga tiyempo ginsuspend man ang klasi sa tanan nga level sa nasambit nga banwa.
