Ginpahayag sang bise alkalde sang banwa sang Moises Padilla, Negros Occidental nga wala sang makahambal kun san-o liwat magalupok ang Bulkan Kanlaon apang may yara na sila sang contingency plan.
Sa interview sang Bombo Radyo kay Moises Padilla Municipal Vice Mayor Adrian Villaflor, wala sang makahibalo kun tubtob san-o ang pag-ilig sang lahar bangud nagapadayon ang pag-ulan, mahimo man nga magsige ang pagilig sang lahar.
Suno kay Villaflor ang banwa ang nakahanda sa kun ano gid man ang matabo.
Suno diri, wala sang makahambal kun san-o mabalik sa normal ang tubig sang Intiguiawan river bangud nagapadayon pa ang ulan kag ginalantaw nga anudon ang mga nagpondo nga higko sa babaw ukon sa bulkan.
Ginalantaw sini nga binulan pa ang hulaton antes magtin-aw ang tubig sa suba.
