Pila ka oras nga nadula ang kuryente sa Barangay 18, Bacolod City kahapon matapos naglabay ang isa ka buhawi.
Sa pagpadulong sang Bombo News Team sa lugar, may nagluntad nga power interruption kahapon kag sang nagbalik na ang kuryente, naglabay ang isa ka buhawi kag nahukas ang sin sang isa ka balay.
Nag-igo ang sin sa kable sang kuryente kag napihak ang kable rason sa paglupok sini nga nagtuga sang kalayo.
Bangud diri, naapektuhan ang kuryente sa lugar.
Gilayon naman ini nga narespondehan sang mga opisyales sang barangay kag wala sang may nasamaran nga mga pumuluyo.
Samtang, sa Barangay Singcang Airport, isa ka dako nga kahoy sang Acacia ang natumba bangud sa mabaskog nga hangin kahapon.
Gilayon naman nga nagresponde ang mga otoridad agud mahawanan ang dalan apang aminado ang mga ini nga may kabudlayan sa pag-utod sini bangud sa kadakuon sang kahoy.
Makapila man ka beses nga nauntat ang ila operasyon bangud sa mabaskog nga pag-ulan.
