May yara sang pinasahi nga paagi ang punong barangay sang Barangay Alijis, Bacolod City agud indi mauyang ang Home Quarantine Pass.
Sa interview sang Bombo Radyo Bacolod kay Punong Barangay Deogracias Dela Vega, madamo sang mga senior citizen nga nagapangayo sang home quarantine pass apang wala sini gilayon ginahatagan bangud ginatest pa agud mahibaluan ang ila kapasidad.
Suno kay Dela Vega, ginapasaka sini ang mga senior citizen sa iya opisina sa ikaduha nga panalgan sang barangay hall agud masiguro nga may ikasarang pa ini.
Ginpahayag man sang barangay official nga kun makita sini nga wala sang iban nga kaupod ang mga senior citizen, ginahatagan niya man sang HQP.
Suno diri, ini ang ginahimo niya lamang agud nga masiguro nga indi mauyang ang quarantine pass kag ang makabaton amo ang nagakadapat nga hatagan sang quarantine pass.
