Pabor ang Punong Barangay sang Brgy. Bata, Bacolod City nga dayunon ang Barangay and Sangguniang Kabataan Elections 2026 (BSKE) sa Nobyembre 2, 2026.
Sa interview sang Bombo Radyo kay Punong Brgy. Remus Abaring sang nasambit nga Brgy, ginpahayag sini nga kun ipostpone tubtob sa anum ka bulan lamang ang BSKE mas masyu nga dayunon nalang bangud tuman ini ka lip-ot.
Suno kay Abaring, ara na sa tawo kun sin-o ang ila nga botohon ang importante ang serbisyo nga nahimo sang isa ka opisyal.
Nakita man sini nga madamo sang mga Punong Brgy. ang wala nagaperform sang maayu gani mas maayu nga mahatagan sang kahigayunon ang mga pumuluyo nga makaboto sang bag-o nga opisyal.
Si Abaring ang may duha pa ka termino kag plano man sini nga magapapili liwat sa masunod nga election.
Sa subong, ginpahayag sang Punong Brgy nga nakatutok sa gihapon siya sa pagtrabaho kag serbisyo bangud suno diri kun makita man lang sang mga tawo nga maayu ang performance sang isa ka opisyal, wala na dapat pa sang ikabalaka.
