BACOLOD CITY-Ginsirado sang Barangay Alijis ang Barangay Hall, Health Center kag gym bilang tikang batok sa COVID.
Ang pwede lang nga makasulod sa mga pasilidad amo ang mga staff sang barangay kag health personnel.
Nakapatigayon naman sang pagdisinfect ang mga pasilidad kag ginpagwa naman ang mga table agud mapatigayon ang konsultasyon kag pag-issue sang barangay clearance nga sa gwa nalang kag indi na sa sulod sang mga pasilidad.
Suno kay Bernadeth Plenario, barangay health worker sa Alijis, nagatuman sila sang nagakaigo nga precautionary measures.
Ginaklaro sini nga gilayon man nga ginahatag ang kaangay sang Barangay Clearance kun mangayo ang residente apang maga-agi anay sa pagpanghinaw.
Ginapagamit man ini sang alcohol kag magasulat sa log book agud nga preparado pananglitan kinahanglanon nga magcontact tracing.
Ginsugudan naman ang pagtuman sang precautionary measures sa pagsugod man sang quarantine.
