Ginkumpirmar sang Barangay Kagawad sang Barangay Estefania, Bacolod City nga sang nakaligad nga duha nga semana nga may nagpangayo sang tabang sa lugar kun sa diin nasapwan ang nagaka-agnas na nga bangkay sang ginapatihan isa ka babayi.
Kahapon sang hapon nakita sang mga nagapamasura sa Sofia Gonzaga Avenue, Barangay Estefania ang nasambitan nga bangkay.
Sa interview sang Bombo Radyo Bacolod sa Barangay Kagawad sang Barangay Estefania, ang lugar kun sa diin nasapwan ang bangkay ang masami nga gina-standbyan kag may mga nagapangayo sang tabang apang ang nasambit nga aksidente ang masami nga nagakatabo sa lugar.
Suno pa sa Barangay Kagawad nga suno sa mga pumuluyo nga naestorya sini kun kadtuan nila ang lugar nagakadlaw lang man ang mga naga-standby didto.
Bangud sini, sang may nagpangayo sang tabang duha na ka semana ang nakaligad wala na ginsapak sang mga residente.
Ginpahayag man sini nga mahimo indi taga Barangay Estefania ang babayi bangud nga sa pagkahibalo sini nga wala man sang reported nga nadula nga residente sang Barangay.
Ginpahayag man sini kun wala nagid man sang may ma-claim nga pamilya sang bangkay nga nasapwan ma-assist ang Barangay agud nga mapalubong nalang ini.
