Naka-isolate na sa karon sa ospital ang barangay kagawad sang Barangay 26 diri sa ciudad sang Bacolod kaupod ang iya mister matapos magpositibo sila sa coronavirus.
Sa impormasyon nga nakuha sang Bombo Radyo, senior citizen na ang babayi nga barangay kagawad.
Ginapahayag nga naglain ang pamatyag sang mag-asawa, nadulaan sang panimaho kag gana sa pagkaon gani nagpaidalom sa swab test.
Kahapon, naggwa ang resulta sang test nga sila ang positibo sa coronavirus.
Gilayon naman nga ginlockdown ang siyam sa mga pamilya sa Purok Masanag Uno nga ginaistaran sang mag-asawa nga negosyante man.
Sa pihak sini, wala na ginlockdown ang barangay hall sang Barangay 26 bangud wala na nagabisita diri ang barangay kagawad.
Indi naman kinahanglan nga ipaidalom sa swab test ang mga barangay officials bangud wala man sila nakapalapit sa pasyente.
Sa karon, nagdangat na sa tatlo ang kaso sang COVID 19 sa Barangay 26 kun sa diin nagtaliwan na ang isa.
