Nagprocure sang dugang nga solar lights kag mga rolyo nga kalat ang Barangay Mandalagan bilang preparasyon hinali liwat nga may matabo nga pagbaha.
Sa interview sang Bombo Radyo Bacolod kay Punong Barangay Paul Anieve, first priority ni Bacolod City Mayor Greg Gasataya amo ang pagclearing sa mga sapa, suba kag declogging sa mga kanal.
Sa sapa sa Purok Carvic, sila ang naka-amat amat naman sa pagclearing apang sa ibabaw nga bahin pa lamang.
Suno diri, papanaugan gid sini ang sapa agud makuha ang mga kahoy nga nagabalabag sa sapa nga dala pa sang nakaligad nga mga bagyo.
Pahayag sini nga ang mga kahoy amo ang nagatuga sang pagsupon sang mga basura gani madasig nga magsaka ang tubig kag naga-awas.
Kaupod man nila sa clearing ang mga TUPAD workers.
Nahibaluan nga sa forecast, ang Bagyo WILMA ang magadala sang moderate to heavy nga pag-ulan gani mataas man ang risgo sang liwat nga pagbaha.
Bilang preparasyon, nagprocure na si Anieve sang dugang nga mga rolyo sang kalat.
Suno sa Punong Barangay, bangod sa lapnagon nga baha sang nakaligad, madamo sang purok nga wala pa mahatagan sang kalat.
Sila ang magapangita sang mahigtan sang kalat sa mga nanubuan nga area, agud nga ini ang magaserbe nga kalapyutan sang mga pumuluyo sa madalom nga baha.
Nagpabakal man ini sang dugang nga solar lights agud bisan may matabo nga brown out, may-ara gihapon sang kasanag sa palibot.
