Ginpahayag sang SK Chairman sang Barangay Mansilingan, ciudad sang Bacolod nga ang pagbutang sang charging station sa barangay kasunod sang pila ka oras nga brownout ang inisyatibo ni Punong Barangay Inday Franz.
Sa interview sang Bombo Radyo Bacolod kay April Montuya, sang Sabado lamang naplanuhan sang barangay nga magbutang sang free charging stations kasunod sang abiso sang Central Negros Electric Cooperative nga magpatuman ang kapin 12 ka oras nga brownout.
Suno kay Montuya, ang free charging ang available kahapon, ala 1:00 ang takna sa hapon tubtob alas 4:00 ang takna sa hapon.
Suno kay Montuya, indi lang cellphone ang nakacharge sa charging station kundi ang mga laptops man nga gingamit sang mga estudyante agud nga maghimo sang ila mga assignments.
Ginpahayag man sini nga masobra sa 50 ka mga residente ang nakabenepisyo sa free charging.
Samtang, sa pihak nga bahin madamo naman ang nagpadangat sang bulig sa mga nabiktima sang sunog sa Home for the Blind.
Nagpanawagan man ini nga kun sin-o man ang luyag magdonate bukas ang Barangay Mansilingan sa pagbaton sini.
Una na nga ginbisitahan sang alkalde sang ciudad kag Bacolod City Congressman Greg Gasataya ang mga nasunugan kag nahatagan naman ang mga ini sang bulig.
