Barangay Punta Taytay, preparado na sa tion nga may magluntad nga pagbaha dala sang malain nga panahon

Preparado ang Barangay Punta Taytay, Bacolod City para sa posible nga pagbaha dala sang bagyo Betty.

Sa interview sang Bombo Radyo kay Punong Barangay Leah Palma, anum ka purok sang Barangay ang masami nga maka-eksperyensya sang pagbaha nga amo ang mga area nga sulodlon kumpara sang mga nahamtang malapit sa baybayon.

Suno diri, handa na ang mga food packs kag mga pump boats kag ini ang ila naman nga na plastar.

Preparado naman ang mga buluthuan kag barangay hall nga pagagamiton bilang evacuation center in kaso nga kinahanglan nga mag-evacuate sang mga pumuluyo.