Plano sang mga opisyal sa Barangay Tangub sa ciudad sang Bacolod nga maghatag sang gatong sa mga tricycle drivers kag jeepney drivers nga nagabyahe sa ruta sang barangay.
Suno kay Punong barangay Noli Villarosa, nahangpan sini ang problema sang transport sectors kag plano sini nga magtipid na lamang sa gastuhon para sa fiesta sang barangay agud ang sobra ibulig sa mga drivers.
Suno diri, naka-umpisa na ini panghatag sang tig-napulo ka litro sang gatong, apang tuman ka damo sang nagakinahanglan gani ilapa nga gina-isip kun pila ang mahatagan sang Barangay.
Suno kay Villarosa may yara lamang sang duha ka asosasyon ang mga tricycle drivers kag pipila lang man ang mga jeepney nga nagabyahe sa Brgy Tangub.
Ginalantaw sini nga tig-lima ukon napulo ka litro sang gatong ang ipanagtag, kag nagpahayag man ini nga mahimo indi lang ini isa ka bes nga matabo bangod may yara sang budget ang Barangay.
