Nakuha sang Barangay Tangub ang kampeonato sa 1st Mayor Albee Barangay Fire Olympics kaina sang aga sa Foot Ball Field sang Bacolod City Government Center.
Sa interview sang Bombo Radyo kay Fire Chief Inspector Rodel Legaspi, Bacolod Fire Marshal, lima ka mga barangay nakigbahin sa aktibidad nga ginalakipan sang Tangub, Taculing, Pahanocoy, Estefania kag Singcang Airport.
Suno kay Legaspi, ini ang labing una nga kahigayunan nga nakapatigayon sang kaangay nga aktibidad bilang kabahin sang Fire Prevention Month.
Suno kay Legaspi, tinutuyo sini nga magpatigayon sang training sa Community Fire Auxillary Group sa Bacolod.
Ginatudluan man ang mga nagapakigbahin nga magresponde sa sunog.
Sa Olympics nga ginpatigayon, nagpanguna ang Barangay Tangub, nagpangduha ang Taculing, ginsundan sang Pahanocoy, Estefania kag Singcang Airport.
Nagapasalamat naman si Legaspi sa local government unit kag sa alkalde sa paghatag sang suporta.
