Patay ang Barangay Tanod matapos ginluthang sa Prk Matam-is, Brgy Busay, Bago City, Negros Occidental kapin alas-5:00 kahapon sang hapon.
Ang biktima ang ginkilala nga si Freddie Coronio, 68 anyos, kasado kag residente sang Prk Gumamela, Brgy Busay, Bago City.
Sa inisyal nga imbestigasyon, gikan si Coronio sa balay ni Punong Barangay Glenn Dagunan kag padulong kuntani sa Hacienda Sulinap, Brgy Busay, kun sa diin ini nagatrabaho bilang watchman.
Samtang sakay sa motorsiklo sini, siya ang gina-alegar ginbantayan sa dalan, kag ginluthang sang suspect nga wala pa nakilal-an.
Bangod sa naangkon nga mga samad, ang biktima ang gilayon nga ginbawian sang kabuhi.
Ang suspect ang sakay sa itom nga Yamaha Mio, kag nakasuksok sang blue nga jacket kag puti nga helmet.
