-- ADVERTISEMENT --
Patay ang 49 anyos nga brgy tanod sang Brgy Enclaro, banwa sang Binalbagan matapos nga ginluthang kahapon, pasado alas-10:00 sang aga.
Sa interview sang Bombo Radyo Bacolod kay Police Major Jun Ray Batadlan, hepe sang Binalbagan Municipal Police Station, ang biktima ang isa ka brgy tanod kag tricycle driver nga ginluthang sa Purok Gumamela.
Suno diri, nag-agom sang igo sang pagpangluthang ang biktima sa likod sini nga naglapos sa iya dughan.
Suno kay Batadlan, may person of interest na sila samtang padayon pa ang imbestigasyon sang kapulisan kun sa diin ginalantaw nga may kaangtanan sa illegal nga druga ang nagluntad nga shooting incident.
