-- ADVERTISEMENT --
Kritikal ang kondisyon sang Barangay Tanod sang Brgy Bata, Bacolod City matapos makuryente samtang nagapatigayon sang clearing operation.
Sa interview sang Bombo Radyo kay Punong Brgy Remus Abring, sang Lunes may ginpatigayon nga clearing operation sa Purok Katilingban apang may isa ka tanod nga na-ground sang kuryente kag nagtabog ang iya binangon.
Suno diri, pagkasunod nga adlaw ginbalikan ang area para i-clear kag ginhambalan ang biktima nga maghalong apang wala ini nagpati kag nagsalig nga wala na sang problema.
Nakuryente ang biktima kag nadagdag sa kapin 20 feet nga kataason kag nagtupa sa dako nga utod nga kahoy.
Sa karun yara ini sa ospital kag nahibaluan nga kritikal ang kondisyon sini.
-- ADVERTISEMENT --
