Luyag sang mga barker sa Bacolod City Public Plaza nga maregulate ang ila pagtrabaho para sa ila nga palangabuhian.
Suno kay Gregorio Estilo, ginakabig nga lider sang mga barker kag manug-carwash sa plaza, 46 sila tanan nga nagatrabaho bilang barker sa plaza humalin alas- 7:00 sang aga tubtob sa gab-i.
Suno diri, maayo ang ila pagtrabaho amo nga madamo sang nagasalig sa ila bisan pa nga sila ang bilinan sang yabi sang mga drivers.
Ginpanginwala man sini nga may yara sang nagapangakig sa ila miyembro kun indi mahatagan sang kwarta bangod nga may yara sila sang pagsulondan nga kun ano lamang ang ihatag amo lang ang batonon.
Nagpanawagan ini kay Mayor Alfredo ‘Albee’ Benitez nga kun tani iregulate sila agud padayon ang ila pagpangita sang palangabuhian.
