Barko sang China Coast Guard, nahimo nga matabog sang PCG vessel BRP Cabra apisar sa tuman ka balod nga kadagatan

Ginsundan sang barko sang Philippine Coast Guard nga BRP Cabra ang isa ka China Coast Guard vessel palayo sa baybayon sang Zambales, apisar sang mabalod nga kadagatan.

Suno sa PCG, ginsundan sang BRP Cabra ang CCG-5303, nga nagbulos sa CCG-3103 sa pagpatigayon sang illegal patrol sa West Philippine Sea, apisar nga nagadangat sa walo ka tapak ang pagbalod.

Panindugan sang PCG, nga committed ang mga officer kag crew sang BRP Cabra sa pagtabog sang CCG-5303 palayo sa Philippine coastline samtang maid-id man nga ginadokumento ang illegal kag escalatory actions sang People’s Republic of China.

Ang CCG-5303 ang napa-atras sang kapin 95 nautical miles palayo sa Zambales coast.