Naglapta sa dalan ang mga nagkalabuka nga basiyo sang ilimnon matapos makabunggo ang Fighter Truck sa isa ka wing van sa Mansilingan- Murcia Road, Bangga LTO, Brgy. Mansilingan, Bacolod City, kaina kapin alas- 5:00 sang kaagahon.
Sa interview sang Bombo Radyo Bacolod kay Police Lt.Col. Ramel Sarona, pinuno sang Traffic Enforcement Unit sang Bacolod City Police Office, ang Fuso Fighter Truck ang ginamaneho ni Michael Mabasa nga nagakarga sang botilya sang ilimnon nagabyahe halin sa Brgy Mansilingan padulong sa Murcia samtang ang wing van naman nga ginamaneho ni Huberto Talorong ang nagabyahe halin sa ciudad sang Bacolod padulong kuntani sa ciudad sang Victorias dala ang karga sini nga labhang.
Suno diri, paglab-ot sa intersection, wala nakamenor ang truck kag nabunggo-an sini ang wing van.
Bangod sa impact, wasak ang unahan nga bahin sang truck kag nagkaladagdag ang karga sini nga mga botilya nga naglapta sa dalan.
Pahanumdom ni Sarona sa mga nagabyahe nga maghinay lang basta may intersection kag maghalong.
Samtang….may yara na sang settlement sa tunga sang duha ka driver sang truck nga involved sa nagluntad nga aksidente sa Mansilingan- Murcia Road, Bangga LTO, Brgy. Mansilingan, Bacolod City, kaina kapin alas- 5:00 sang aga.
Ang driver sang Fighter Truck amo si Michael Mabasa samtang ang driver naman sang wing van amo si Huberto Talorong.
Sa pahayag ni Talorong, sa intersection may yara sang matorsiklo nga naglabay amo nga nagmenor ini, apang wala naman nakamenor si Mabasa sang yara na sa intersection nga nagresulta sa pagbunggo sang truck sa wing van.
Sa interview sang Bombo Radyo Bacolod kay Police Lt.Col. Ramel Sarona, pinuno sang Traffic Enforcement Unit sang Bacolod City Police Office, may yara na sang settlement sa tunga sang duha kag ginpawash out na sa Bureau of Fire Protection (BFP) ang mga nagkalabuka nga botilya sa dalan matapos maglapta ang mga basiyo sang ilimnon nga karga sang fighter truck.
