Ginpadangat sang isa ka complainant gikan sa Valladolid, Negros Occidental sa Ipa Bombo Ta Segment sang Bombo Radyo Bacolod ang nagaalingasaw nga baho sang basura nga gintampok sa bakante nga duta sa Barangay Tabao Proper, Valladolid, Negros Occidental.
Suno sa complainant, apektado na sila bangud ang mga kabataan ang nagamalasakit na bangud sa baho sang basura nga gintampok sa bakante nga lote.
Suno sa complainant, gina-alegar sini nga ang ginatambak nga basura sa bakante nga lote ang iya mismo sang banwa bangud ang ginakargahan sang basura nga gina-ula amo ang dump truck sang Valladolid.
Ginpadangat naman sa banwa ang reklamo sang mga ini kag ginpakadtuan kag ginpa-inspect sa Department of Environment and Natural Resources (DENR) ang lugar kag nag-untat man sang pila ka adlaw apang nagbalik man liwat sa pagtambak.
Suno pa sa impormasyon nga natipon sang complainant nga ang basura ang himuon nga filling sa lugar bangud may yara sang patindugon diri apang wala ini sang ideya kun ano.
Wala man sila sang impormasyon kun sin-o ang nagapanag-iya sang duta.
Panawagan lang sini nga mabuligan sila nga mahatagan sang solusyon ang problema bangud ang baho indi nagid maagwanta samtang ang mga bata ang nagamalasakit na.
