Matuod kag indi resulta sang imahinasyon ang bata kag suldado nga makit-an sa kwarta nga papel nga P500.
Natabo ini sang ginduholan sang bata sang bulak ang suldado sa Edsa People Power revolution sang 1986.
Ang bata ang ginkilala nga si Angelo Gutierrez, nga naga-edad na sa sang 30 sa karun kag isa na ka nurse sa Califronia, USA.
Suno diri, sang natabo ang Edsa People Power revolution kaupod sini ang iya ginikanan sa sulod sang salakyan sang na-ipit sila sa dalan bangod madamo sang tawo.
Nagdesisyon na lang ang iya ginikanan nga manaog kag mag-upod sa pagtitipon apang wala natulupangdan nga nakabuya ini sa kamot sang iya iloy.
Suno pa diri, wala maayo sang madalom nga kahulugan para sa iya ang paghatag sang bulak sang bata pa siya apang samtang naga-edad mas naintindihan sini ang impact sang iya ginhimo.
Matapos ang apat ka dekada, nahibaluan sini nga ang nagkuha sang litrato nga si John Chua nagtaliwan na sang 2018.
Samtang ang suldado naman nga ginkilala nga si 2nd Lt. Mario Abanes, ang naga-edad na sang 65 kag nagapuyo sa karun sa Zamboanga.
Suno diri, nakita niya ang bata nga nagangirit kag naghambal nga ‘Bulaklak po’ kun sa diin ginhikap pa ni Mario ang ulo sang bata kag amo na nga nakita sini ang iloy ni Angelo.
Sa karun, suksok ang military uniform nagpasugot si Mario nga makigkita kay Angelo matapos ang kapin sa 40 ka tuig nga ulihi nila nga pagkit-anay.
