Gin-ako sang bata nga nagsurrender sang 11 ka sachet sang suspected shabu sa Barangay Vista Alegre, Bacolod City nga 14 anyos na ini baliskad sa una sini nga pahayag nga 11 anyos pa lamang siya.
Sa karun ang bata yara sa kustodiya sang Department of Social Welfare and Development (DSWD) kag nagpahayag ini nga nahadlok lamang siya sadto amo nga naghambal ini nga 11 anyos pa lamang siya.
Apang sang ulihi nag-ako ini nga siya naga-edad na sang 14 anyos.
Gina-imbestigaran sa karun kun bala ginagamit ang mga kabataan para sa mga illegal nga bulohaton.
Nagpanawagan naman si Brgy Kagawad Elizalde Benedicto sang Brgy Vista Alegre sa mga ginikanan nga tudloan sang insakto ang mga bata agud magdako nga maayo nga tawo kag sa mga kabataan naman panawagan sini nga mamati sa ginatudlo sang ginikanan.
